Numri i personave që humbën punën gjatë muajve kur vendi karantinoi pjesën më të madhe të biznesit ka arritur zyrtarisht në 50 mijë. Sipas Institutit të Statistikave Shqiptare, numri i të punësuarve arriti në 1 milion e 224 mijë në fundin e tremujorit të dytë të këtij viti, nga 1 milion e 274 mijë që rezultoi në fund të vitit 2019.<br /><br />Shkalla zyrtare e papunësisë pësoi një rritje me 0.4 pikë përqindje për të dytën herë rresht në pjesën e parë të vitit, duke reflektuar vështirësitë e biznesit. Papunësia arriti në 11.9%, ndërsa numri i personave të dalë të papunë ka rezultuar më i lartë te moshat e mëdha.<br /><br />Të gjithë sektorët e ekonomisë kanë shkurtuar vendet e punës, por goditjen më të madhe e ka dhënë industria, e ndjekur nga shërbimet dhe bujqësia. Përkundrejt kësaj situate, niveli i pagave në rang vendi është rritur me 2.9% gjatë periudhës së pandemisë si në sektorin publik dhe në atë privat.<br /><br />Paga mesatare arriti në 54.149 lekë në fund të Qershorit. Rrogat më të larta vazhduan të regjistrohen në sektorin financiar dhe atë industrial.<br /><br />Tv Klan<br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
